27 lipienia na vioscy ŭ babuli piacihadovy chłopčyk vyrašyŭ prakacicca na cysternie. Jon uchapiŭsia za elemienty cysterny, ale nie ŭtrymaŭsia i zvaliŭsia. Dzicia dastaŭlena ŭ reanimacyju ź ciažkimi traŭmami. Pra heta paviedamlaje sajt Hrodzienskaj milicyi.
Niaščasny vypadak adbyŭsia ŭ vioscy Leluki Iŭjeŭskaha rajona. Chłopčyk, što adpačyvaŭ u babuli, hulaŭ adzin u dvary la adčynienaj kalitki. U niejki momant jon zacikaviŭsia traktaram z cysternaj, jaki prajazdžaŭ pobač, kiroŭca taksama ŭbačyŭ dzicia i źmienšyŭ chutkaść.
Niezvyčajny transpartny srodak vyklikaŭ cikavaść u chłopčyka nastolki, što jon vyrašyŭ začapicca za elemienty cysterny i prakacicca na joj. Adnak dziciačaj siły nie chapiła, jano nie ŭtrymałasia i zvaliłasia. Kiroŭca, ubačyŭšy heta, adrazu ž spyniŭsia.
Pry padzieńni dzicia atrymała surjoznyja traŭmy i było špitalizavana ŭ reanimacyjnaje adździaleńnie miascovaj balnicy.
