U parłamiencie Kuby abmiarkoŭvajecca prajekt novaj kanstytucyi krainy, jaki musić zamianić dziejnuju kanstytucyju, pryniatuju ŭ 1976 hodzie. Asnoŭny zakon pavinien pryznać prava hramadzian na pryvatnuju ŭłasnaść. Akramia taho, zamiest budaŭnictva «kamunistyčnaha hramadstva» ŭ jakaści mety prajekt kanstytucyi prapanuje «budaŭnictva sacyjalizmu», paviedamlaje DW.
Choć kirujučaj palityčnaj siłaj zastajecca kamunistyčnaja partyja, prajekt kanstytucyi praduhledžvaje vialikuju stupień raźmiežavańnia ŭłady paśla amal 60-hadovaha praŭleńnia bratoŭ Kastra. Zhodna z dakumientam, zamiest prezidenta ŭrad uznačalić premjer-ministr.
Prajekt novaha asnoŭnaha zakona praduhledžvaje abmiežavańni dla prezidenta pa ŭzroście i časie znachodžańnia na pasadzie. Tak, pry pieršym ustupleńni na pasadu prezident Kuby pavinien być nie starejšym za 60 hadoŭ, akramia taho, jon nie moža abiracca bolš za dva razy zapar. Termin znachodžańnia na pasadzie prezidenta — 5 hadoŭ.
Taksama stała viadoma, što ŭ novaj kanstytucyi Kuby chočuć dazvolić adnapołyja šluby. U prajekcie dakumienta havorycca, što «šlub — heta dobraachvotny sajuz pamiž dvuma ludźmi» biez ukazańnia ich połu. U hetym pytańni jašče pry Fidelu Kuba imknułasia harantavać svabody, jakija adstojvaje jeŭrapiejskaja lavica.
