2017 hod byŭ sapraŭdy praryŭnym dla biełaruskaj muzyki. Źjavilisia i dasiahnuli papularnaści sučasnyja chip-chop prajekty, takija jak Bakiej, ŁSP. Vyjšaŭ EP art-rok hurta TonquiXod «Koler, jakoha niama». Hurt Navi vystupiŭ z cudoŭnaj pieśniaj «Historyja majho žyćcia». Hurt Shuma pakazaŭ usim, što takoje biełaruskaje fołk-techna. 2018 hod u hetym sensie pakul što bolš cichi i ramantyčny. Prapanujem paznajomicca bližej z samymi śviežymi relizami pieršaj pałovy hetaha hoda.
Źjaviłasia dziavočaja kamanda «Niamiha».
Ksienija Valenda — lidarka, hitarystka i śpiavačka, kaža pra hurt: «Niamiha dla nas — nie prosta pryhožaja histaryčnaja nazva, heta alehoryja našaj movy i kultury, jakuju my ŭ svaich pieśniach starajemsia adradzić». «U śviecie, dzie tak šmat bolu, ahresii, stresu — ludziam nie chapaje dušeŭnaha ciapła. Paśla našaj muzyki niekatoryja płačuć. I heta jakraz toje, dziela čaho varta žyć». Hurt byŭ stvorany ŭ minułym hodzie, Viera Alendra hraje na flejcie, Maša Łabovič — na kłavišach, Lizavieta Łoban — na pierkusii. Dziaŭčaty svoj styl vyznačajuć jak «akustyk-folk-rok».
Skrypačka hurtu Vuraj Nastaśsia Papova prezientuje ŭłasny JER. «Plyvie Čoven» — heta čatyry pieśni, dzie fołk sustrakaje elektroniku z postrokavym razumieńniem viečnaści, piša 34mag.net.
Stvaralnica prajekta Nastaśsia Papova pra reliz:
— Nazva Sneguole pachodzić ad litoŭskaha imia Snieguole, što možna pierakłaści jak «praleska». Maja mama chacieła dać mnie takoje imia. Reč u tym, što ja naradziłasia ŭ Litvie ŭ krasaviku i ŭ toj dzień pajšoŭ śnieh. Što praŭda, maci pieradumała.
Kali vy čakajecie ad reliza fołku, jaki my pryvykli čuć u vykanańni hurtu Vuraj, to papiaredžvajem: Sneguole — heta sumieś žanraŭ, navat pry tym, što hałoŭny składnik — sapraŭdny falkłorny materyjał — zastajecca na miescy.
https://soundcloud.com/34magnet/sneguole-pa-siarebranaj-rakie
Adradziŭsia hurt «Cmoki»
i zapisaŭ prosta šykoŭnuju pieśniu, jakoj realna nie stavała biełaruskaj muzycy.
https://soundcloud.com/tuzinhitou/ivan-i-bog
Vyjšaŭ davoli cikavy albom fołk hurtu «Nieŭryda»,
zapisany na biełaruskaj i baškirskaj movach
https://soundcloud.com/nevrida/sets/ep-rodny-kray-tugan-yak
