Zdaryłasia heta jašče ŭ krasaviku, ale pra chvarobu Ŭładzimiera Hryhorjeva da hetaha času aficyjnych paviedamleńniaŭ nie było. Siońnia ŭ ambasadzie Radyjo Svaboda paćvierdzili źviestki pra zachvorvańnie, a taksama toje, što na čas chvaroby spadara Hryhorjeva daradca-pasłańnik Vasil Rudzianok pryznačany časovym pavieranym u spravach Biełarusi ŭ Rasiei.
Presavy sakratar ambasady Alaksandar Hardziejčyk spadziajecca, što Ŭładzimier Hryhorjeŭ budzie praciahvać dyplamatyčnuju karjeru:
(Hardziejčyk: ) «Tydzień tamu prezydent Łukašenka padpisaŭ šerah ukazaŭ pra pryznačeńni novych ambasadaraŭ. Ale ŭ Maskvu nichto novy nie pryznačany. Heta taksama, jak kažuć, nahoda dla rozdumu. Naahuł, da Hryhorjeva našyja ŭłady vielmi dobra staviacca».
Pavodle našych krynicaŭ, ambasadar Hryhorjeŭ paśla insultu peŭny čas nia moh razmaŭlać. Adnak medyki zdoleli spačatku častkova, a paśla i ŭ značnaj stupieni adnavić moŭnyja zdolnaści. Paśla intensiŭnaj terapii dyplamat lečycca ŭ znakamitym sanatoryi Barvicha. Taksama našamu radyjo stała viadoma, što ad pačatku chvaroby spadar Hryhoŕjeŭ jašče ni razu nie naviedvaŭ miesca pracy.
Uładzimier Hryhorjeŭ naradziŭsia ŭ krasaviku 1941 hodu. Doŭhi čas zajmaŭ kamsamolskija i partyjnyja pasady. U 1997 hodzie byŭ pryznačany na pasadu ambasadara Biełarusi ŭ Rasiei. Padčas hazavaha kryzisu zimoj 2004 hodu byŭ adklikany ŭ Miensk dla kansultacyjaŭ. Rasiejski bok tady analahičnaha kroku nie rabiŭ.
