Klecki vajenkamat raspačaŭ masavuju rassyłku pozvaŭ z metaj udakładnieńnia ŭlikovych dadzienych. Jaŭka abaviazkovaja, pry hetym źjavicca pa takoj poźvie nieabchodna nie ŭ rajvajenkamat, a ŭ...Klecki RUUS. A ŭžo ŭ pastarunku ŭ miascovych žycharoŭ brali ślinu na analiz dy adbitki palcaŭ. Takuju paviestku atrymaŭ i syn vydaŭca miascovaha niezaležnaha biuletenia Siarhieja Panamarova. Toj patelefanavaŭ vajskovamu kamisaru D. Hadunu, čyj podpis staić pad pozvaj, kab spytać, na jakich padstavach vajenkamat vyklikaje ludziej dla ŭdakładnieńnia dadzienych u milicyju. Pa słovach Panamarova, vajenkam spasłaŭsia na niejki zahad ministra abarony, ale nia zdoleŭ jaho nazvać.
Paśla vybuchu ŭ Miensku ŭ noč na 4 lipienia 2008 hodu ŭ kleckaja milicyja ŭžo pravodziła rejdy pa miascovych pradpryjemstvach, dzie pravodziła daktylaskapičnuju rehistracyju dy źbirała ślinu hramadzianaŭ. Byli j taksama masavyja vykliki ŭ RUUS.
Nahadajem, što zhodna art.7 Zakonu «Ab dziaržaŭnaj daktylaskapičnaj rehistracyi» ad 4 listapadu 2003 h. № 236-3 abaviazkovaj dziaržaŭnaj daktylaskapičnaj rehistracyi padlahajuć pryznanyja niedziejazdolnymi albo abmiežavanymi ŭ dziejazdolnaści pavodle rašeńnia sudu; padazravanyja (abvinavačanyja) ŭ ździajśnieńni złačynstva albo asudžanyja za ździajśnieńnie złačynstva; asoby, što znachodziacca na prafilaktyčnym uliku ŭ orhanach MUS; asoby, u adnosinach da jakich prymienienyja prymusovyja miery biaśpieki i lačeńnia, praduhledžanyja KK RB; a taksama asoby, što ździejśnili administracyjnyja pravaparušeńni, za jakija praduhledžvajecca adkaznaść u vyhladzie administracyjnaha aryštu.
U adpaviednaści z č.2 art.234 Kryminalna-pracesualnaha kodeksu RB, śledčy, daznavalnik maje prava atrymać uzory jak adbitkaŭ palcaŭ, počyrku śliny, kryvi, tak i inš. dla paraŭnaŭčaha daśledavańnia ŭ paciarpiełaha, a taksama ŭ śviedki ź jaho asabistaj zhody ŭ vypadkach, kali ŭźnikła nieabchodnaść vyśvietlić, ci nie pakinuŭ jon ślady na miescy zdareńnia albo rečavych dokazach.
Takuju paviestku atrymaŭ Siarhiej Panamaroŭ
