Na minułym tydni na rasiejskim radyjo «Svaboda» słuchaŭ ja pieradaču ź viadučym Viktaram Šenderovičam. Hetym razam u haściach u Šenderoviča byŭ hość ź Biełarusi – hramadski aktyvist Andrej Kim. Pieradača pakinuła vielmi simpatyčnaje ŭražańnie.
Apazicyjanier cełuju hadzinu adkazvaŭ na źjedlivyja pravakacyjnyja pytańni viadomaha satyryka i vytrymaŭ ekzamien.Vobraz Kima zajhraŭ žyvymi farbami j emocyjami. Na žal, u biełaruskim radyjo takoje vielmi redka pačuješ. Choć apazicyjaniery i časta vystupajuć, ale ich vystupy zusim karocieńkija – adna‑dźvie chvilinki. A takich pieradač, kab na praciahu cełaj hadziny z hościem tałkova pahavaryli, jak na ruskaj Svabodzie, u nas niama.
Na minułym tydni ja j sam byŭ zaprošany ŭ pramy efir «Načnoj Svabody». Havaryŭ pra Vilenski biełaruski muziej. Razmaŭlali my chvilin piatnaccać i, zdajecca, mnohaje ŭdałosia rastłumačyć, ale prablem tut stolki, što možna było b havaryć cełuju hadzinu. I, kab atrymałasia sapraŭdnaja dyskusija, treba było b dać vykazacca hetak ža razhornuta inšym udzielnikam hetaha pracesu. Ale takoj pieradačy takoha farmatu niama. A mahła b być. Da prykładu, zamiest paŭtoru z 20‑j pa 22‑iu hadzinu.
0
0
0
0
0
0
