Premjera «Bajkiera» adbudziecca 8 listapada ŭ Pałacy Respubliki.
Aŭtar, kampazitar Uładzimir Kandrusievič, kaža: «My pajšli za bradviejskim vopytam, zrabili spačatku pradpremjerny tur, pakazvali «Bajkiera» ŭ inšych haradach, pierš čym pradstavić jaho ŭ stalicy — adčuli, što publika prymaje miuzikł».
Havoryć Viera Palakova, vykanaŭca roli Iryny: «Maja hierainia — heta sapraŭdny anioł. Vopyt pieraŭvasableńnia ŭ Anioła ŭ mianie ŭžo byŭ — u filmie «Na spinie ŭ čornaha kata». Uładzimir Kandrusievič pisaŭ da jaho muzyku. I prapanavaŭ mnie stać Aniołam u miuzikle. Viedajecie, u Aniołaŭ nastolki asablivaja praca, što ich tak prosta składana znajsci... I ja pahadziłasia. Pracavała ź vialikim zadavalnieńniem: pieršy raz u žycci mnie dali syhrać sapraŭdnuju stanoŭčuju rolu. Ja ihraju čałavieka čystaha, jaki pamiraje z‑za kachańnia. Zvyčajna hieraini, jakich ja ihrała, imknulisia dabicca kachańnia, a tut dabivajucca majho. Heta pryjemna».
