Epocha internet-błohaŭ skončyłasia: nieprafesijnyja natatki mała kaho cikaviać, — piša Poł Botyn (Paul Boutin), aŭtar aŭtarytetnaha amerykanskaha časopisa Wired, pryśviečanaha infarmacyjnym technalohijam.
Niama taho, što rańš było Livejournal uzoru 1999-ha. Siońnia błohi viartajucca da prastaty i navat prymityvizmu. |
Błagasfera, što była idealnym miescam dla samavyražeńnia j abmienu dumkami, siońnia pierapoŭnienaja reklamaj i pa sutnaści miortvaja, ličyć aŭtar artykułu. Vieści błogi stali prafesijnyja žurnalisty j eksperty, a mierkavańnie prostaha internaŭta adyšło na druhi plan.
Pradprymalnik Džejsan Kałakanis, jaki zarabiŭ miljony na sietcy Weblogs, u lipieni kinuŭ vieści ŭłasny dyjaryjuš. «Błogi paprostu duža vialikija, duža biezasabovyja, u ich niama intymnaści, jakaja mianie da ich vabiła», — pryznaŭsia jon na raźvitańnie.
U paćvierdžańnie hetych słoŭ Wired prapanuje zirnuć na śpis 100 najčytanych błogaŭ — prafesijnyja sajty tam adsunuli samatužnyja zapisy. Papularnyja błogi tym časam pieratvarylisia ŭ sapraŭdnyja internet-vydańni. Šarahovamu błogieru nie pa siłach spaborničać z kamandaj žurnalistaŭ i ekspertaŭ, jakaja štodnia publikuje pa 30 artykułaŭ.
Dy j prosta čytvo ŭ epochu, kali zalivać videa stała hetaksama prosta, jak nabirać tekst, mała kamu cikavaje.
Vyrazić siabie błogieru možna chiba ŭ minimalistyčnaj formie. Naprykład, na sajcie Twitter, dzie dazvalajecca publikavać paviedamleńni nia bolšyja za 140 symbalaŭ. Na dumku Wired, znarokavy prymityvizm — adzinaje, što moža zraŭnać razumnaha, udumlivaha aŭtara z typovym paviarchoŭnym błogieram.
U kožnym razie, heta ŭsiaho tolki padoŭžyć ahoniju błagasfery, robić pesymistyčnuju vysnovu časopis.
Pavodle wired.com, NEWSru.com