Biełaruskaja kampanija «Mabilny horad» pad brendam Atomic vypuściła try knopačnyja mabilnyja telefony, interfejs jakich całkam padtrymlivaje biełaruskuju movu.
Pa słovach pradstaŭnikoŭ kampanii, telefony stvorany na asnovie «narychtovak» z naboram charaktarystyk, jakija prapanujuć zboračnyja pradpryjemstvy ŭ krainach Paŭdniova-Uschodniaj Azii. Hetyja narychtoŭki testujucca na adpaviednaść našym mabilnym sietkam, paśla stvarajecca prahramnaje zabieśpiačeńnie.
Hałoŭny honar kampanii — ukaranieńnie biełaruskaj movy ŭ interfejs prašyŭki. Vytvorca zajaŭlaje, što dla knopačnych mabilnych telefonaŭ raniej jaje prosta nie isnavała i im daviałosia pierakłaści prykładna piatnaccać tysiač radkoŭ tekstu.
Siońnia ŭ asartymiencie kampanii jość try knopačnyja telefony, usie z padtrymkaj biełaruskaj movy — Atomic T2401, G2001 i Z1801. Kupić hadžety možna ŭ bujnych roźničnych handlovych sietkach i internet-kramach. Aryjencirovačny košt — 60—90 rubloŭ.
Samaja technična prasunutaja madel (T2401) uklučaje 2,4-calevy dysplej 320 na 240 piksielaŭ, padtrymlivaje pracu ź dźviuma SIM-kartami, abaronieny ad papadańnia vady i pyłu pa standarcie IP68, abstalavany akumulataram na 2500 mAh i asnoŭnaj kamieraj.
