U Redakcyju «NN» źviarnuŭsia nieabyjakavy čytač, jaki pradstaviŭsia «Dziadźka Albiert». Jon raskazaŭ pra vypadak, jaki adbyŭsia 21 maja la škoły №16, što na vulicy Biruzova.
Alimpijskaja čempijonka Ała Cupier sa svaim sabakam. Fota realt.by.
«Ja tam hulaŭ u šachmaty. Žančyna pryviazała vialikaha sabaku da pandusa. A toj bieź pierapynku brachaŭ paŭhadziny! Tam ža dzieci chodziać. Moža kamuści zaminać», — aburajecca dziadźka Albiert.
Pry hetym jon kaža, što žančyna navat nie vybačyłasia za sabaku, kali pryjšła jaho zabirać. «Nu jon ža nikoha nie pakusaŭ», — pieradaje dziadźka Albiert jaje słovy.
Potym mužčynu pieradali, što ŭładalnicaj sabaki była alimpijskaja čempijonka ŭ frystajle Ała Cupier.
My pazvanili spartsmiency, kab daviedacca jaje bačańnie situacyi: «Sabaku ja pakidała nie na terytoryi škoły, a la jaje. I nie pryviazała da pandusa. Sabaka byŭ na karotkim pavadku, tamu nikomu nie moh pieraškadžać ci ŭkusić. Tak, brachaŭ. Ale, aproč dziadkoŭ, što hulali ŭ šachmaty, jon nikomu nie zaminaŭ. Nikoli raniej nijakich narakańniaŭ na sabaku nie było», — zapeŭniła Ała Cupier.
U siamji spartsmienki łabrador Dełfard žyvie ŭžo siem hadoŭ.
