Zabranyja 27 sakavika ź siamji z Radaškovičaŭ dzieviać dziaciej dadomu pakul nie viarnulisia, paviedamiła mlyn.by namieśnik staršyni kamisii pa spravach niepaŭnaletnich Maładziečanskaha rajvykankama Volha Klepakova.
Rašeńniem kamisii pa spravach niepaŭnaletnich u Maładziečanskim rajonie dziaciej zabrali ź siamji ŭ suviazi z tym, što žančyna na paru z mužam źbivała ich u pakarańnie za pravinnaści.
Šaściora pa-raniejšamu znachodziacca ŭ Radaškovickaj škole-internacie, troje małodšych — pad apiekaj u siamji rodnaha dziadźki šmatdzietnaj maci Zoi Kananovič (u brata jaje mamy). Pa słovach Volhi Klepakovaj, žonka blizkaha svajaka pracuje pryjomnaj maci i ŭziałasia apiekavać unučataha plamieńnika. Jak adznačyła namieśnik staršyni KDN, kamisija pa spravach niepaŭnaletnich praciahvaje pracavać sa šmatdzietnymi baćkami.
— Milicyja praciahvaje pravieračnyja mierapryjemstvy pa dadzienaj padstavie, - paviedamiŭ aficyjny pradstaŭnik UUS Minabłvykankama Jaŭhien Sačak. - Razhladajecca pytańnie ab pryciahnieńni baćkoŭ da administracyjnaj adkaznaści za naŭmysnaje pryčynieńnie cialesnych paškodžańniaŭ dzieciam. Zakon praduhledžvaje štraf da 30 bazavych vieličyń abo 15 sutak administracyjnaha aryštu.
«Štości chavajuć, a što — nie viedaju»: što adbyvałasia ŭ siamji z Radaškavič, adkul za źbićcio zabrali dzieviać dziaciej
«Pakul nie liču siabie vinavataj»: maci z Radaškavič, u jakoj zabrali dzieviać dziaciej
