Zatrymanyja troje minčukoŭ, jakija padazrajucca ŭ tym, što pakidali ludziej z daŭhami pa kamunałcy biez žylla, paviedamlaje Śledčy kamitet.
Pa viersii śledstva, złamyśniki ŭ 2016-2017 hadach padšukvali ŭłaśnikaŭ kvater z zapazyčanaściami pa apłacie kamunalnych pasłuh i ŭvachodzili da ich u davier. Dalej prapanoŭvali pradać ich kvatery ŭ stalicy i kupić mienšaje pa płoščy žyllo ŭ Minsku albo ŭ Minskaj vobłaści. Nastupnym krokam byŭ pachod u ryełtarskija ahienctvy, dzie składalisia damovy pa prodažy pamiaškańniaŭ dobrasumlennym pakupnikam. Paśla ŭrehulavańnia ŭsich jurydyčnych farmalnaściaŭ ludzi zastavalisia jak biez vyručanych za prodaž hrošaj, tak i abiacanaha ŭzamien žylla. Tolki ŭ niekatorych vypadkach biez dapłaty padavalisia małaprydatnyja dla pražyvańnia budynki biez vyhod u vioskach albo pakoi ŭ kvaterach.
Paciarpiełymi pryznanyja piaciora hramadzian. Pravodzicca rasśledavańnie.