Niekali biełaruskija mužčyny śpiavali pry kaśbie, a ciapier — pry pivie.
Prahrama «Viaskoŭcy» telekanała «Biełsat» praciahvaje svajo padarožža pa biełaruskich sieliščach i daviedvajecca šmat novaha pra žyćcio sučasnych žycharoŭ Biełarusi.
Spačatku viadoŭcu prahramy Viktara Šukiełoviča padabrali na darozie dva kałarytnyja mužčyny ź vioski Piaršai Vałožynskaha rajonu. Jany padvieźli Viktara na motabłoku pa darozie, jakoj niekali jeździŭ hraf Tyškievič,
raspavioŭšy pry nahodzie pra viaskovaje žyćcio. Adzin ź piaršajcaŭ padzialiŭsia, čamu na vioscy žančynam žyviecca ciažej, ci škaduje jon svaju žonku i pavodle jakoj sistemy dapamahaje joj pa haspadarcy.
Viktar daviedaŭsia taksama, jak hraf Tyškievič staviŭsia da pracaŭnikoŭ i jakija vydavaŭ im premii. U Piaršajach patłumačyli, čym było słaŭnaje sielišča, adkul jano ŭziało svaju nazvu i čamu siudy pryjazdžali žychary Bałtyjskaha ŭźbiarežža?
Paźniej viadoŭca trapiŭ na piŭnuju viečarynu ŭ viosku Enierhija Puchavickaha rajonu.
Tam Viktara dy inšych haściej śviežym chmielnym napojem ułasnaha pryhatavańnia častavaŭ spadar Vasil Prymaka, prychilnik i znaŭca daŭniejšych biełaruskich tradycyjaŭ. Miž inšym jon raskazaŭ Viktaru, ci biełarusy nadavali nazvu svajmu pivu, chto ŭmieŭ jaho hatavać na vioscy i jakoje značeńnie mieŭ u daŭniejšyja časy chmiel.
Viktaru taksama karcieła daviedacca, ci biełarusy koliś admysłova ładzili piŭnyja viečarynki i čamu ciapier chłopcy źbirajucca sami, bieź dziaŭčat?
Viadoŭcu raspaviali, što i raniej byli momanty, kali razam, u adnoj hramadzie, śpiavali vyklučna mužčyny. Što heta byli za situacyi i jakija jość narodnyja prymaŭki, dzie zhadvajecca piva?
Viadoma, nie abyšłosia za biasiednym stałom i biez pokazak, pieśniaŭ, prapanovy zładzić bojku i, kaniešnie ž, nievialikaj sprečki. A što ž vyklikała roznahałośsie na imprezie ŭ Enierhii, — hladzicie ŭ novym vydańni prahramy «Viaskoŭcy».
Raniejšyja vydańni prahramy dastupnyja na YouTube-kanale «Biełsat biez palityki».
