Sustrakaŭ haściej na płoščy Savieckaj načalnik upraŭleńnia sportu i turyzmu Hrodzienskaha abłvykankama Aleh Andrejčyk. Jon uručyŭ turystam simvaličnyja padarunki.
Andrej Čub rodam z Kazachstana, ale žyvie ŭ Niamieččynie z 1999 hoda i maje niamieckaje hramadzianstva. U žonki i dziciaci jość ruskaje hramadzianstva i jany biez prablem pierasiakajuć miažu ź Biełaruśsiu. Andreju davodzicca karystacca biaźvizavym režymam.
«Pieršy raz ja byŭ u Biełarusi ŭ 1993 hodzie, a ŭ Hrodnie ŭpieršyniu pabyvaŭ u 2017 hodzie. Praz hod my ź siamjoj vyrašyli pryjechać siudy znoŭ. Dobra, što jeść mašyna, a tak naŭrad ci by siudy pajechali naŭprost ź Niamieččyny. Daloka.
Kali ščyra, siudy možna było b jechać na adpačynak u miascovyja sanatoryi. U cełym dobra, što ŭ Hrodna možna pryjazdžać bieź vizy. U Hrodnie my biez načoŭki - usiaho na niekalki hadzin. Pryjechali pa pakupki i pahulać, a taksama pačuć ruskuju movu. Sam pa sabie horad čysty i pryhožy, jość što pahladzieć. Atmaśfiera dobraja», — raspavioŭ Andrej.
Aleh Andrejčyk daryć jubilejnamu biaźvizavamu turystu pamiatnuju knihu pra Hrodzienščynu.
Sa studzienia da siaredziny maja 2017 hoda Hrodna naviedała 11 tysiač biaźvizavych turystaŭ. Za anałahičny pieryjad 2018 hoda kolkaść takich turystaŭ pavialičyłasia amal udvaja. Da kanca hoda ŭ Hrodnie płanujuć pryniać da 100 tysiač biaźvizavych haściej.
Za dva hady biaźvizavaha režymu biełaruski horad naviedali pradstaŭniki 42 krain. Asnoŭnyja dziaržavy, heta Litva, Polšča, Łatvija i Niamieččyna.
