Prafiesar Michaił Kavaloŭ, jaki kiravaŭ ekanamičnym fakultetam BDU 19 hadoŭ, pakidaje hetuju pasadu, piša Tut.by.
«Z 16 maja Michaił Michajłavič znachodzicca ŭ adpačynku», - paviedamili na ekanamičnym fakultecie. I dadali, što paśla adpačynku jon nie vierniecca da svaich abaviazkaŭ.
U pres-słužbie BDU patłumačyli, što Michaił Kavaloŭ z ekanamičnaha fakulteta nie sychodzić — zastajecca na pasadzie prafiesara kafiedry, jakuju jon uznačalvaŭ.
— Michaił Kavaloŭ pa ŭłasnym žadańni napisaŭ zajavu ab pieravodzie z pasady dekana ekanamičnaha fakulteta na pasadu prafiesara kafiedry analityčnaj ekanomiki i ekanamietryki ekanamičnaha fakulteta.
Kandydatura novaha dekana pakul nie vyznačana, skazali ŭ pres-słužbie. Ciapier jaho abaviazki vykonvaje namieśnik dekana pa vučebnaj rabocie Hanna Karalova.
