Štefan Pecner i Jorh Hajder.
Akazałasia, što kultavy lider aŭstryjskaj pravicy, zmahar suprać imihrantaŭ i isłamu, vioŭ padvojnoje pryvatnaje žyćcio. I navat pierad tym jak raźbicca, jon vypivaŭ u hiej‑pabie.
Pierajemnik lidera aŭstryjskich krajnie pravych Jorha Hajdera, što zahinuŭ u aŭtakatastrofie, Štefan Pecner abvieściŭ, što byŭ z svaim bosam u «niazvykłych uzajemaadnosinach», — piša aŭstryjskaja presa.
Heta adbyłosia paśla taho jak 27‑hadovy Pecner byŭ zaćvierdžany lideram Aljansu za budučyniu Aŭstryi — partyi, jakuju hetyja palityki pryviali ŭ parlament.
Pecner paznajomiŭsia z Hajderam piać hadoŭ tamu, pracujučy žurnalistam. Pecner pryznaŭsia, što adčuŭ «čaroŭnuju ciahu» da palityka, starejšaha za jaho na 31 hod. Ź jahonych słovaŭ, Hajdier trochi pieražyvaŭ praź ichnuju roźnicu ŭ hadach.
«Jon byŭ mužčynam majho žyćcia», — kaža Pecner.
Plotki pra biseksualizm Hajdera źjavilisia ŭ presie hadoŭ 10 tamu, ale tady tak i zastalisia plotkami.
Śledztva vyjaviła, što pierad svajoj apošniaj pajezdkaj Hajder vypivaŭ u hiej‑pabie.
Pecner raskazaŭ pikantnyja detalki ichnaha žyćcia: ź jahonych słovaŭ,
raman z partyjnym namieśnikam «nie pieraškadžaŭ Kłaŭdyi», žoncy Hajdera. «Jana kachała jaho jak žančyna. Jon kachaŭ jaje jak mužčyna. Ja kachaŭ jaho zusim inakšym, asabistym čynam —jana toje razumieła», — apaviadaje palityk.
