24 kastryčnika pieršy namieśnik ministra zamiežnych spraŭ Čechii Tomaš Pojar naviedaje Biełaru z aficyjnym vizitam, paviedamlaje češskaje infarmahienctva CTK.
Płanujecca, što pieršy namieśnik ministra Čechii abmiarkuje ź biełaruskimi kalehami dvuchbakovyja pahadnieńni, a taksama ŭzajemadziejańnie krain padčas staršynstva Čechii ŭ Jeŭrasajuzie ŭ pieršym paŭhodździ 2009 hoda. Paradak dnia ŭdakładniajecca.
MZS Biełarusi pakul nie kamientuje vizit.
Jak BiełaPAN paviedamlaŭ raniej, 13 kastryčnika ŭ Luksiemburhu ŭ pieramovach ministra zamiežnych spraŭ Biełarusi Siarhieja Martynava ŭziaŭ udzieł taksama jaho češski kaleha.
Aficyjnyja dvuchbakovyja kantakty pamiž krainami nie ažyćciaŭlajucca ŭžo šeść hadoŭ. Premjer‑ministr Čechii Miłaš Zieman byŭ apošnim češskim palitykam, jaki naviedaŭ Minsk u 2002 hodzie.
Dypmisii ŭ dźviuch krainach uznačalvajuccca časovymi pavieranymi.
U 2002 hodzie Čechija admoviła ŭ vizie prezidentu Biełarusi Alaksandru Łukašenku, kali toj źbiraŭsia ŭziać udzieł u samicie NATO ŭ Prazie.U 2006 hodzie biełaruskija ŭłady nie vydali vizu tahačasnamu češskamu sienataru, a ciapier ministru zamiežnych spraŭ Karełu Švarcenbierhu.
Na minułym tydni češskuju stalicu ź vizitam naviedaŭ apazicyjny palityk, lider stvaranaha ruchu «Za Svabodu» Alaksandr Milinkievič.
Maryna Rachlej, BiełaPAN
