19 kastryčnika 1988 — Ustanoŭčy schod biełaruskaha histaryčna‑aśvietnickaha tavarystva pamiaci achviaraŭ stalinizmu «Martyraloh Biełarusi», zasnavalnikami jakoha vystupili Sajuz piśmieńnikaŭ, Sajuz kinematahrafistaŭ, Sajuz mastakoŭ i redakcyja hazety «Litaratura i mastactva». Na schodzie z prapanovy Zianona Paźniaka stvarajecca arhkamitet Biełaruskaha Narodnaha Frontu «Adradžeńnie». BNF prezentujecca jak hramadzka‑palityčny ruch za demakratyčnaje refarmavańnie hramadztva i adradžeńnie biełaruskaj nacyi, u jakim mohuć brać udzieł jak asobnyja hramadzianie, tak i hramadzkija abjadnańni. Hetym padziejam papiaredničała adkryćcio praŭdy pra Kurapaty, jakoje stała mahčymym dziakujučy vysiłkam archieolahaŭ Zianona Paźniaka i Jaŭhiena Šmyhalova.
30 kastryčnika 1988 — pieršaja masavaja akcyja na Dziady. Hvałtoŭna razahnanaja milicyjaj i ŭnutranymi vojskami.
19 lutaha 1989 — pieršy apazycyjny mitynh u Biełarusi pad histaryčnymi nacyjanalnymi ściahami, dazvoleny ŭładami, sabraŭ kala 40 000 čałaviek. Pryniataja na mitynhu rezalucyja patrabavała skasavać zamacavanuju ŭ Kanstytucyi kiroŭnuju rolu kamunistyčnaj partyi.
24—25 červienia 1989 — Ustanoŭčy źjezd BNF u Vilni (u Miensku zabaranili), na jakim prysutničała kala 400 delehataŭ. Na pasadu staršyni BNF byŭ abrany Zianon Paźniak.
25 lutaha 1990 — stotysiačny mitynh pratestu suprać niedemakratyčnaha praviadzieńnia vybaraŭ u Viarchoŭny Saviet SSSR. Paśla vybaraŭ u VS BSSR utvarajecca frakcyja BNF — 37 čałaviek z 345 deputataŭ. Ale hetaj kolkaści deputataŭ stała dastatkova, kab kraina nastajała na niezaležnaści i adnaviła nacyjanalnyja ściah i hierb.
1992 — pieršaja paraza. Nie ŭdałosia naviazać daterminovyja pieravybary Viarchoŭnaha Savietu, choć inicyjatyva była padtrymana podpisami bolš čym 450 000 hramadzianaŭ.
1995 — sfalšavanyja vybary ŭ Viarchoŭny Saviet Biełarusi CHIII sklikańnia. U novy skład parlamentu nie patrapiŭ nivodzin kandydat ad BNF. Tady ž BNF pierastaje być adzinaasobnym lideram demakratyčnych siłaŭ Biełarusi — na palityčnaj scenie źjaŭlajecca Abjadnanaja hramadzianskaja partyja.
10 červienia 1995 — Jury Chadyka, namieśnik staršyni BNF, prapanavaŭ raździalić partyju i ruch. Na jaho dumku, partyja musiła mieć bolšuju svabodu dziejańniaŭ, aktyŭna supracoŭničać ź inšymi demakratyčnymi partyjami. Jaho padtrymaŭ Vincuk Viačorka. Suprać vystupiŭ lider frontu Z.Paźniak.
1996 — arhanizavanyja BNF masavyja vuličnyja manifestacyi. Nabyvaje viadomaść moładzievaja frakcyja BNF — «Małady front».
Unikajučy aryštu, Zianon Paźniak pakinuŭ Biełaruś razam ź Siarhiejem Navumčykam. Abaviazki staršyni partyi ŭ Biełarusi pačaŭ vykonvać Lavon Barščeŭski.
Travień 1999 — Z.Paźniak biare ŭdzieł u alternatyŭnych vybarach prezydenta, supiernikam jamu vystupaje były premjer‑ministar Michaił Čyhir. U chodzie kampanii, jakaja, pa sutnaści, apynułasia mabilizacyjnaj akcyjaj apazycyi, Paźniak źvinavaciŭ kiraŭnika Centralnaj Vybarčaj kamisii Viktara Hančara ŭ falsyfikacyjach i źniaŭsia z vybaraŭ.
Vierasień — kastryčnik 1999 — raskoł Frontu na Kanservatyŭna‑Chryścijanskuju Partyju — BNF (Paźniak) i Partyju BNF (Viačorka).
2001 — Partyja BNF padtrymała kandydata ŭ prezydenty Siamiona Domaša, KCHP‑BNF vyłučała Zianona Paźniaka.
2006 — Partyja BNF padtrymała Alaksandra Milinkieviča, KCHP‑BNF vyłučała Zianona Paźniaka.
