Žycharka Bresta, jakaja pakutuje ad psichičnaha zachvorvańnia, zabiła muža, a praz 30 hadoŭ pazbaviła žyćcia syna, paviedamlaje BiełTA.
Złačynstva było ździejśniena ŭ listapadzie 2017 hoda. Padčas svarki z synam 67-hadovaja žycharka Bresta naniesła jamu nie mienš za siem udaraŭ siakieraj pa hałavie, a zatym zdušyła horła. Ad atrymanych traŭm 37-hadovy mužčyna pamior na miescy zdareńnia.
U chodzie śledstva vyśvietliłasia, što 30 hadoŭ tamu pry padobnych abstavinach žančyna zabiła svajho muža. Tady pa miedycynskich pakazańniach da jaje byli ŭžytyja prymusovyja miery biaśpieki i lačeńnia.
Padčas rasśledavańnia žančyna ŭ čarhovy raz prajšła psichołaha-psichijatryčnuju ekśpiertyzu. Pa zaklučeńni śpiecyjalistaŭ, u pieryjad ździajśnieńnia złačynstva jana nie ŭśviedamlała značeńnia svaich dziejańniaŭ i nie mahła kiravać imi. Śledstva pryjšło da vysnovy, što abvinavačanaja maje patrebu va ŭžyvańni da jaje prymusovych mier biaśpieki i lačeńnia sa źmiaščeńniem u stacyjanar pad strohim nahladam.
