Fota hetaje i nižej: Luis Jaime Castillo, Palpa Nasca Project/National Geographic
Ich nie było bačna na raniejšych spadarožnikavych zdymkach praź niedastatkovaje razroźnieńnie, ale zdymki z drona akazalisia vielmi jakasnymi. Tak byli vyjaŭlenyja dziasiatki nieviadomych raniej malunkaŭ.
Niekatoryja z hieohlifaŭ naležać kultury Naska, pradstaŭniki jakoje žyli tut pamiž 200 i 700 hadami n.e. Bolš rannija malunki pakinuli pradstaŭniki kultur Parakas i Topara, jakija panavali na hetych abšarach u 500-200 hadach n.e.
Linii Naska zvyčajna stvaralisia tak, kab ich było vidać tolki źvierchu. Hieohlify ž kultury Parakas malavali na schiłach uzhorkaŭ, tamu ich mahli bačyć žychary susiednich pasieliščaŭ.
Pavodle archieołahaŭ, bolšaść z hetych fihur — vajary, adnak jość i vyjavy ptušak i žyvioł (naprykład, pielikan daŭžynioj bolš za 400 mietraŭ).
