Jak paviedamlaje partał AIN.UA sa spasyłkaj na kiraŭnika departamienta bieśpiłotnych technałohij kampanii «Infokom ŁTD» Siarhieja Rumiancava, u jakaści bazy dla pieršaha lehkavoha ŭkrainskaha bieśpiłotnika byŭ abrany ZAZ Lanos z aŭtamatyčnaj karobkaj pieradač, «bo heta — nacyjanalny aŭtamabil». Raspracoŭka aŭtamabila viadziecca z 2015 hoda.
Sistemu bieśpiłotnaha kiravańnia Pilotdrive možna ŭstalavać na luby vid transpartu: hruzavy, lehkavy abo hramadski.
Aparatnuju častku aŭtapiłota zakuplajuć za miažoj, ale prahramnaja častka całkam raspracavanaja inžynierami «Infokom ŁTD». Sistema aryjentujecca ŭ prastory z dapamohaj kamier, datčykaŭ, radaraŭ i ciepłavizaraŭ, što zabiaśpiečvaje bieśpiłotnaje pieramiaščeńnie aŭtamabila navat u načny čas sutak. Pilotdrive raspaznaje raźmietku darohi, jaje šyryniu, navat umieje pierasoŭvacca va ŭmovach biezdarožža.
Datčyki bieśpiłotnika majuć achop 360 hradusaŭ, što vyklučaje ŭźniknieńnie ślapych zon. Sensarnyja sistemy raspaznajuć darožnyja znaki, piešachodaŭ i žyvioł. Jak zapeŭnivajuć ŭkrainskija raspracoŭščyki, bieśpiłotny aŭtamabil maje imhniennuju reakcyju na pieraškody, dziakujučy sistemie analizu i pryniaćcia rašeńniaŭ, jakaja spracoŭvaje za doli siekundy.
Tak vyhladaje kantroler aŭtapiłota, jaki raźmiaščajecca ŭ bahažniku Lanos.
Adznačajecca, što za rulom bieśpiłotnaha Lanos maje abaviazkova znachodzicca kiroŭca, bo ŭkrainskija praviły darožnaha ruchu nie praduhledžvajuć aŭtanomnaha pieramiaščeńnia bieśpiłotnych transpartnych srodkaŭ.
