Kab smažyć
Red Skarlet
Ružovyja kłubni ź jarkaj žoŭtaj miakaćciu dobra zachoŭvajucca i nie schilnyja da techničnych paškodžańniaŭ. Praŭda, śpieje bulba vielmi rana, tamu mała chto vykarystoŭvaje jaje dla zimovaha zachoŭvańnia. Miakać vydatna trymaje formu, tamu dobra pasuje dla smažańnia.
Vinieta
Vysokaŭradžajny sort, jaki nie baicca sušy i chvarob. Takaja bulba pasuje jak dla smažańnia, tak i dla zapiakańnia, dobra trymaje formu i pryjemnaja na smak. Miakać moža być ciamniejšaj abo śviatlejšaj, u zaležnaści ad umoŭ nadvorja.
Skarb
Hety spraŭdžany biełaruski sort maje nie vielmi vysokaje ŭtrymańnie kruchmału, tamu dobra zachoŭvaje formu padčas smažańnia i nie razvalvajecca.
Kab varyć
Ryŭjera
Hety sort bulby adzin z samych rańnich. Adnak užo praz paru miesiacaŭ kłubni, niaredka, zahnivajuć, tamu jeści jaje treba adrazu paśla vykopvańnia. Pa struktury kłubniaŭ Ryŭjera — univiersalny sort, jana pasuje dla lubych straŭ.
Hała
Kłubni Hały adroźnivajucca jarka-žoŭtaj miakaćciu, univiersalnym smakam i siaredniaj sopkaściu, tamu vydatna pasujuć, kab varyć.
Impała
Hety rańniaśpieły hałandski sort bulby z žaŭtavataj miakaćciu pasuje, kab varyć i zapiakać.
Kab taŭčy i zapiakać
Adreta
Nadzvyčaj papularny ŭ Biełarusi sort, vyviedzieny ŭ Hiermanii. Dobraja razvarystaść Adrety robić jaje idealnaj dla piure. Dobra zachoŭvajecca ŭzimku.
Žuravinka
Biełaruski sort, jaki źjaviŭsia adnosna niadaŭna. Jon u mieru sopki, z žoŭtaj miakaćciu i nie vielmi ćviordaj ružovaj skurkaj. Vydatna zachoŭvajecca i pasuje dla ŭsich typaŭ stravaŭ.
Miełodyja
Hety hałandski sort vyviedzieny śpiecyjalna dla paŭnočnych krain i cudoŭna zachoŭvajecca ŭzimku. Bulba davoli razvarystaja, sopkaja, tamu ź jaje dobra taŭčy kamy.
