Z nadychodam kryhachodu pantonnuju pierapravu praz Prypiać znoŭ prybiaruć, paviedamlaje ANT.
Dabiracca z adnaho bieraha na inšy daviadziecca na katarach i ledakole. Scenar — časovy, kali heta sapraŭdy adbudziecca, zaležyć ad nadvorja.
Nahadajem, aŭtamabilny most jašče ŭ śniežni začynili praz raskolinu, a zbudavanuju pantonnuju pierapravu źniesła ciačeńniem.
Zatym marazy nie dazvolili vyratavalnikam pieravozić ludziej na łodkach, i pryjšłosia z dapamohaj ledakoła paŭtorna navodzić pantony. Praŭda, užo ŭ inšym miescy — na dva kiłamietry vyšej pa płyni. Tut značna płytčej, što robić kanstrukcyi bolš ustojlivymi.
Z pačatkam ža aktyŭnaha chodu lodu časovy most nie daść rady nahruzcy, papiaredzili ratavalniki.
Darečy, ledakoł pryjdzie na dapamohu tolki ŭ krajnim vypadku. Jaho śpiecyjalna pieraabstalavali dla pieravozki pasažyraŭ — ustalavali aharodžu i pasadkavyja miescy.
Abnoŭleny ž aŭtamabilny most pavinien źjavicca ŭ rajonie da kanca hoda. Prajekt zaraz na ekśpiertyzie, a śpiecyjalisty prystupili da demantažu avaryjnych błokaŭ.