U Hrodnie źjavicca vodnaje taksi. Ab hetym karespandentu BiełTA paviedamiŭ namieśnik staršyni Hrodzienskaha harvykankama Andrej Bołtryk. Zapuścić novy vid transpartu płanujecca ŭžo ŭ mai.
«Pasłuhi dla pieravozki haradžan i haściej horada pa race Nioman hatovyja akazvać niekalki pradprymalnikaŭ. U ich jość sudny źmiaščalnaściu 10-15 čałaviek», — raspavioŭ Bołtryk.
Dla arhanizacyi takich pasłuh nieabchodny pryčał. Jon budzie abstalavany na pravym bierazie Niomana pamiž Starym mostam i hrodzienskimi zamkami.
Heta budzie nie adziny pryčał na terytoryi horada. U pryvatnaści, na supraćlehłym bierazie Niomana pobač z adnoj z baz adpačynku budzie ŭzvodzicca sučasny kompleks dla pryjomu turystyčnych sudnaŭ: tut u ich budzie mahčymaść i zaradzić akumulatary, i papoŭnić zapasy vady, i adpačyć.
Prybyć u abłasny centr vodnym transpartam u siezon, možna budzie, naprykład, z Polščy.
Z ulikam taho, što zamiežniki majuć prava naviedvać Hrodna i Hrodzienski rajon bieź vizy, takija maršruty mohuć stać papularnymi.
