27 vieraśnia ŭ halerei «Zniata», što ŭ mienskim kinateatry «Centralny», adkryłasia niezvyčajnaja vystava fota‑dyzajnaŭ «Wonderland. Artykuły Pola Cudaŭ». Heta pieršaje ŭvasableńnie novaha fotaprajekta Artura Vakarava — mastaka, dyzajnera i avanturysta. Artur źjaŭlajecca stvaralnikam słynnaj reklamnaj hrupy «Adliga», a taksama jon — pieramožca Maskoŭskaha, Kijeŭskaha i Tbiliskaha festyvalaŭ reklamy.
Prajekt «Wonderland. Artykuły Pola Cudaŭ» paŭstaŭ z tvorčaha pieraasensavańnia viadomaj «ždanovickaj» barachołki — «Pola Cudaŭ». Aŭtar abiacaje, što tyja, chto pryjduć na vystavu, nia znojduć tam anijakaha savieckaha stajłu, ź jakim u mnohich asacyjujecca ideja prajektu.