Treciaje paražeńnie zapar źviedała minskaje «Dynama» ŭ čempijanacie Kantynientalnaj chakiejnaj lihi.
3 kastryčnika padapiečnyja Džyma Chjuza prajhrali na svajoj placoŭcy dynamaŭcam Maskvy ź likam 0:2 (0:1, 0:1, 0:0). Šajby zakinuli Maksim Piastuška (9.47) i Ivan Niaprajeŭ (35.00). Haspadary vosiem razoŭ mieli kolkasnuju pieravahu, ale ni razu nie zmahli joju ckarystacca. U składzie haściej hulaŭ napadajučy biełaruskaj zbornaj Alaksiej Kalužny.
Stanovišča kamand u dyvizijonie Babrova: «Atłant» (Myciščy) — 33 ački (13 hulniaŭ; roźnica šajbaŭ 50‑27), «Sałavat Jułajeŭ» (Ufa) — 26 (12; 38‑21), «Mietałurh» (Novakuźnieck) — 21 (14; 46‑37), «Sievierstal» (Čarapaviec) — 20 (12; 35‑35), «Spartak» (Maskva) — 18 (12; 39‑36), «Dynama» — 11 (13; 20‑41).
U ahulnaj tablicy «Atłant» zajmaje pieršaje miesca, «Sałavat Jułajeŭ» — treciaje, «Mietałurh» — vośmaje, «Sievierstal» — 12‑ie, «Spartak» — 14‑ie, «Dynama» — 22‑ie siarod 24 udzielnikaŭ KCHŁ.
Nastupny matč kamanda Chjuza praviadzie 6 kastryčnika ŭ Ryzie suprać miascovych dynamaŭcaŭ.