Nikoli nie viedaješ, jak što strelnie ŭ sacyjalnych sietkach. Ciapier u fejsbuku i ŭkantakcie pačaŭ hulać klip, jaki byŭ zapisany pierad parłamienckimi vybarami 2016 u padtrymku kandydata Ihara Marzaluka.
«Chto taki Marzaluk? Chto taki Marzaluk? Ludzi pytajucca, chto taki Marzaluk. Ja adkažu na hetaje pytańnie pad bita hruk», — čytaje repier Źmicier Biełabrovik. Heta kolišni student Mahiloŭskaha dziaržaŭnaha ŭniviersiteta imia Kulašova. Vučyŭsia na archieałohii ŭ Marzaluka.
«Pierad vybarami Ihar Alaksandravič spytaŭsia, ci mahu ja zapisać niešta ŭ jahonuju padtrymku ŭ styli repa. Ja, viadoma, pahadziŭsia, — raskazvaje Biełabrovik. — Ja ad 2007 hoda ŭdzielničaŭ va ŭsich ekśpiedycyjach Marzaluka. Kali siabruješ, to takoje zrabić lohka».
Źmicier kaža, što hrošy za trek jon nie atrymlivaŭ, Marzaluk tolki apłaciŭ pracu hukarežysiora i studyi. «Kali z kimści siabruješ, to zrabić takoje prosta, a ja byŭ i ŭ inicyjatyŭnaj hrupie Ihara Alaksandraviča, jon mnie šmat dapamahaŭ u žyćci».
U 2016 Źmicier Biełabrovik skončyŭ aśpiranturu Mahiloŭskaha ŭniviersiteta, ciapier pracuje dyrektaram Staradarožskaha historyka-etnahrafičnaha muzieja. Kaža, što zachapleńnie repam u jaho nikudy nie źnikła, tolki ŭ małym horadzie ciažej z zapisam trekaŭ.
Ukantakcie možna pasłuchać i inšyja kampazicyi vykanaŭcy, jon tam chavajecca pad nikam «Bieły a.k.a. White Nigga».
Ihar Marzaluk — deputat Pałaty pradstaŭnikoŭ. Jon viadomy historyk i archieołah. U 1990-ja Marzaluk padtrymlivaŭ apazicyju, byŭ siabram Sacyjał-demakratyčnaj partyi, ale apošnim časam staŭ na pazicyi kiraŭnika krainy, adzin z najbolš rašučych prychilnikaŭ Alaksandra Łukašenki. U vystupach na telebačańni Marzaluk pryncypova karystajecca biełaruskaj movaj.
