Pastanovaj urada ad 8 studzienia ziamielnyja nadzieły radyjacyjna niebiaśpiečnych ziamiel adčužeńnia ŭ Buda-Kašaloŭskim, Rečyckim i Karmianskim rajonach Homielščyny pierakvalifikavanyja ŭ radyjacyjna niebiaśpiečnyja ziemli abmiežavanaha haspadarčaha vykarystańnia, paviedamlaje BiełTA.
Da prykładu, kałhas «Savieckaja Biełaruś» atrymaje ŭ karystańnie 41,23 hiektara takich ziemlaŭ, a ahulnaja płošča viernutych u sielskahaspadarčy abarot radyjacyjna niebiaśpiečnych ziemlaŭ u troch rajonach składzie 1534 hiektary.
Buda-Kašaloŭski, Karmianski i Rečycki rajvykankamy majuć u miesiačny termin samastojna vyznačyć miežy hetych nadziełaŭ i ažyćciavić ich pieradaču ŭ dalejšaje karystańnie, a taksama ŭnieści nieabchodnyja źmieny ŭ ziamielna-kadastravuju dakumientacyju.
