Novy amierykanski dakumientalny film «Apieracyja «Alaska» prapanuje viersiju raźvićcia padziej u tym vypadku, kali b płan pa evakuacyi ažyćciaviŭsia.
Kali ŭ 1939 hodzie pačałasia Zimovaja vajna pamiž Savieckim Sajuzam i Finlandyjaj, u ZŠA razharnułasia maštabnaja kampanija ŭ padtrymku «samaj uschodniaj demakratyi». U ruchu ŭdzielničali jak prostyja hramadzianie, tak i viadomyja palityki i zorki Halivudu.
U pačatku 1940 hoda ŭ ZŠA byŭ raspracavany płan poŭnaj evakuacyi ŭsich 3,7 miljonaŭ čałaviek, jakija zasialali tady Finlandyju, u vypadku zachopu terytoryi SSSR. Novaj radzimaj finaŭ pavinien byŭ stać samy paŭnočny amierykanski štat Alaska. Apieracyja pavinna była być ažyćcioŭlena za čatyry miesiacy.
Pierakidka Finlandyi na Alasku była b zamaskiravanaja pad ramont paškodžanaj padčas vajny abjektaŭ infrastruktury. U pieršuju čarhu nieabchodna było ŭziać charčy ŭ darohu i jak maha bolš lekaŭ i miedycynskich pryboraŭ. Žycharoŭ krainy dastaŭlali b da partoŭ 740 paravozaŭ i 24 tysiač čyhunačnych vahonaŭ, 7000 matacykłaŭ, 2900 aŭtobusaŭ, 18 tysiač hruzavikoŭ, 25 tysiač aŭtamabilaŭ i 300 tysiač vazoŭ z końmi. Dla pieravozki usiaho nasielnictva Finlandyi spatrebiłasia b try tysiačy maršrutaŭ karabloŭ, u rasparadžeńni ŭrada było 12 partoŭ na terytoryi krainy. Padarožža da Alaski doŭžyłasia ŭ toj čas ad dvuch da troch miesiacaŭ.
Zhodna z płanam, na novaj radzimie ŭ finaŭ była b pracoŭnaja pavinnaść i abaviazacielstva žyć na Alascy ŭ reziervacyi jak minimum dziesiać hadoŭ. Paśla hetaha terminu ŭsim było b nadadziena hramadzianstva ZŠA. Adnak Zimovaja vajna skončyłasia, i evakuacyja nie spatrebiłasia.
