Kandydatami ŭ deputaty miascovych savietaŭ u Biełarusi vyłučana ŭžo bolš 7,7 tysiač čałaviek, paviedamlaje Centrvybarkam. Kala pałovy ź ich — dziejučyja deputaty.
Na vyłučeńnie zastałosia 11 dzion, usiaho ŭ Biełarusi sfarmiravana 18111 vybarčych akruhaŭ. Heta značyć, što bolš čym 10 tysiač akruhaŭ zastajucca nie toje, što biezalternatyŭnymi — na ich naohuł nichto nie vyłučyŭsia!
96% kandydataŭ — starejšyja za 30 hadoŭ. Moładzi siarod tych, chto paluje za mandatami, pakul niašmat — usiaho 337 čałaviek.
Vialikuju aktyŭnaść u vybarčaj kampanii prajaŭlajuć žančyny, ich siarod pretendentaŭ na deputackija pasady bolš za 4 tysiačy.
Ludzi jakich prafiesij chočuć stać deputatami? Bolš za ŭsio siarod kandydataŭ pradstaŭnikoŭ śfiery adukacyi, kultury, navuki i achovy zdaroŭja, a taksama sielskaj haspadarki. Čalenstva ŭ miascovym saviecie nie patrabuje ad deputata pakidać svajo asnoŭnaje miesca pracy.
Vyłučeńnie kandydataŭ u deputaty skončycca 8 studzienia, a sami vybary ŭ miascovyja saviety projduć 18 lutaha.
