Bolš za 100 čałaviek, pavodle papiarednich źviestak, zahinuli ŭ vyniku trapičnaha štormu, jaki abrynuŭsia na poŭdzień Filipin. Dziasiatki ludziej prapali bieź viestak.
Štorm Tembin pryvioŭ da pavodak i sielaŭ u niekalkich rajonach vyspy Mindanaa.
Chutkaść vietru padčas štormu dasiahała 80 km/h, zaraz štorm nakiroŭvajecca da paŭdniovaj častki vyspy Pałavan. Paśla hetaha jon, jak čakajecca, praciahnie ruch na zachad.
Asabliva mocna paciarpieli filipinskija harady Tubad i Piapaha, dzie mnohija damy byli pachavanyja pad kučami kamianioŭ.
Pradstaŭnik palicyi ŭ Tubadzie raspavioŭ Frans pres, što ŭ horadzie zahinuli prynamsi 19 čałaviek.
«Uzrovień vady ŭ race padniaŭsia i vialikaja častka damoŭ byli zmytyja. Vioski bolš niama», - raspavioŭ jon.
Jon dadaŭ, što dobraachvotniki sprabujuć adkapać cieły ludziej z brudu ŭ vioscy Dałama.
