Kala 48 000 vajskoŭcaŭ z Rasii vajavali ŭ Siryi, ź ich bolš za za 14 000 atrymali dziaržuznaharody — zajaviŭ ministr abarony RF Siarhiej Šojhu padčas kalehii Minabarony ŭ Bałašysie pad Maskvoj, paviedamlajuć «Viedamaści». Heta amal dakładna stolki ž, kolki składaje ŭvieś vajskovy piersanał armii Biełarusi.
Usiaho — pavodle ministra — rasijskija lotčyki ździejśnili ŭ Siryi 34 000 vyletaŭ, a rasijskija zienitčyki źbili ŭ Siryi 16 bieśpiłotnikaŭ i 53 rakiety sistem załpavaha ahniu. Za čas bajavych dziejańniaŭ rasijskija Uzbrojenyja siły, pa zajavie Šojhu, źniščyli 60 318 bajevikoŭ, u tym liku 2840 vychadcaŭ z Rasii.
Akramia taho, Šojhu raspavioŭ ab vyvadzie rasijskich vojskaŭ ź Siryi. Tam zastanucca tolki try bataljony vajennaj palicyi, supracoŭniki centra prymireńnia bakoŭ, a taksama piersanał rasijskich baz u Chmiejmimie i Tartusie, dadaŭ jon.
