Pieršy ŭčastak darohi skončyli jašče ŭ kancy minułaha hoda. Raboty vialisia bolš za dziesiać miesiacaŭ, u chodzie budaŭnictva padradčyk zmantavaŭ na darožnaje pałatno bolš za 660 kvadratnych mietraŭ soniečnych batarej.
Druhi ŭčastak darohi raźmiaščajecca na aŭtamahistrali Czinań, a jaho praciahłaść paśla zakančeńnia budaŭnictva składzie 1,6 kiłamietra.
Dla realizacyi takoj idei była raspracavanaja śpiecyjalnaja technałohija ŭkładańnia darožnaha pakryćcia. Vierchni płast składajecca z prazrystaha inavacyjnaha materyjału, jaki maje ŭłaścivaści zvyčajnaha asfaltu. Druhi płast — heta zvyčajnyja soniečnyja paneli, a treci — izalacyja, jakaja zaścierahaje ich ad vilhaci.
Vierchni płast darohi vielmi tryvały, tamu pa joj zmohuć jeździć navat hruzavyja aŭtamabili. Ciapier soniečnyja paneli dazvalajuć tolki aśviatlać darožnaje pałatno, ale raspracoŭniki prajekta zapeŭnivajuć, što nieŭzabavie dadaduć u darohi i funkcyju biespravadnoje zaradki aŭtamabilaŭ.
