Być bolš strymanym u vydatkach zaklikała finansavaja milicyja kiraŭnika adnoj z haspadarak Brahinskaha rajona. Kiraŭnik sielhaspradpryjemstva, niahledziačy na zakredytavanaść i daŭhi, nabyŭ za kazionnyja hrošy aŭtamabil «Toyota Land Cruiser Prado» 2012 hoda vypusku, paviedamlaje sb.by.
Supracoŭniki ŭpraŭleńnia Departamienta finansavych rasśledavańniaŭ KDK pa Homielskaj vobłaści źviarnuli ŭvahu na kuplu pa adnoj tolki pryčynie. Užo zanadta nieabdumanaj jana vyhladała na fonie stanu spraŭ sielhaspradpryjemstva.
Niaŭstojlivaja płaciežazdolnaść, praterminavanaja zapazyčanaść pierad bankami pad harantyi orhanaŭ ułady i płaciažy za enierharesursy. Adnak heta nie pieraškodziła kiraŭniku vyłučyć sa srodkaŭ haspadarki bolš za 57 tysiač rubloŭ na kuplu «Toyota».
Pry hetym na bałansie pradpryjemstva ŭžo byŭ spraŭny aŭtamabil, pryčym taksama «Toyota Land Cruiser», praŭda, 2008 hoda vypusku.
Za nieracyjanalnyja rastraty, jakija parušajuć paradak nabyćcia słužbovych lehkavych aŭtamabilaŭ, kiraŭnika haspadarki ŭ vyniku aštrafavali na 13,8 tysiačy rubloŭ.
