Fota Iryny Arachoŭskaj.
1. Płanujcie svaje prybytki i vydatki
Dla hetaha rekamiendujecca skłaści asabisty finansavy płan. Heta važna, kab uparadkavać svaje mety, aptymizavać vydatki, raźmierkavać vydatki hrašovyja i vydatki ŭ časie.
2. Namahajciesia paźbiahać pazyk
Pierad tym, jak uziać pazyku, zadajcie sabie niekalki važnych pytańniaŭ: ci sapraŭdy mnie tak patrebna hetaja reč u kredyt? U kolki mnie abyducca vypłaty? Ci mahu ja dazvolić sabie takija traty?
3. Aščadžajcie
U kožnaha čałavieka ŭ žyćci byvajuć niepradbačanyja abstaviny: ad prostych žyćciovych składanaściaŭ (złamałasia mašyna) da bolš surjoznych situacyj (stracili pracu, zachvareŭ blizki). Dla taho, kab być hatovym da pieraadoleńnia žyćciovych ciažkaściaŭ, patrebna «paduška biaśpieki». Jak by ni było, a starajciesia nie mienš za 10% ad prybytku adkładać.
4. Paraŭnoŭvajcie
Pry vybary finansavaj pasłuhi paraŭnajcie prapanovy roznych finansavych ustanoŭ, vyvučcie ŭmovy niekalkich anałahičnych finansavych instrumientaŭ, abiarycie aptymalny varyjant. Pamiatajcie, što hrošy nie pavinny «lažać», jany pavinny prynosić dachod, pracavać na vas
5. Acanicie ryzyki
Heta značyć, što pry pryniaćci finansavaha rašeńnia varta zaŭsiody pamiatać pra svaju adkaznaść za pryniataje rašeńnie. U adnosinach da ŭsich finansavych instrumientaŭ dziejničaje praviła: čym vyšejšaja prybytkovaść, tym vyšejšaja i ryzyka.
