«Vyvudziŭ z paštovaj skryni čarhovy pratakoł ab administracyjnym pravaparušeńni. Ździŭleńnie zaškalvaje. Paśla Maršaŭ niedarmajedaŭ u vuličnych akcyjach udziełu nie prymaŭ. I?! Zbor podpisaŭ za adstaŭku ministra abarony, jaki, biezumoŭna, niasie maralnuju i palityčnuju adkaznaść za sieryju śmierciaŭ vajennasłužačych, pryraŭniali da niesankcyjanavanaha pikietu«, — paviedamiŭ palityk u svaim fejsbuk-akaŭncie.
Pry hetym, jak zaŭvažaje Anatol Labiedźka, z času dziejańnia, prajšło ŭžo paŭtara miesiaca.
«Prajšoŭ čas. Ułada ačomałasia ad krytyki i strachu. Źlepleny z pavietra pratakoł śviedčyć, što ŭ krainie ŭvodzicca niezakonnaja zabarona na zbor podpisaŭ! Nie, nie ŭsich, a tolki tych, jakija tyčacca acenki prac ułady i jaje vydatnych pradstaŭnikoŭ», — kamientuje jon.
«Novaja taktyka pracy viedamstva Šunieviča — ciškom skłaści pratakoł i padkinuć u paštovuju skryniu. Voś cikava, a što pa hetym pytańni dumaje Pavieł Izotavič, novaśpiečany kiraŭnik Hramadskaha Savieta pry ministry ŭ ciomna-sinim halife?» — iranizuje kiraŭnik AHP.
Zbor podpisaŭ za adstaŭku ministra abarony Andreja Raŭkova pravodziŭsia aktyvistami paśla taho, jak u vučebnaj častcy ŭ Piačach pad Barysavym byŭ znojdzieny paviešanym sałdat terminovaj słužby Alaksandr Koržyč. Pryčynaj śmierci sałdata stali niestatutnyja adnosiny ŭ častcy.