Minsk hatovy vydzielić kantynhient dla sadziejničańnia ŭrehulavańniu na Danbasie. Pra heta zajaviŭ u sieradu ŭ Maskvie kiraŭnik MZS Biełarusi Uładzimir Makiej, paviedamlaje TASS.
«My hatovyja vydzielić adpaviedny miratvorčy kantynhient, kali heta budzie prymalna ŭsim zacikaŭlenym bakam, dla taho, kab udzielničać u vyrašeńni miratvorčych zadač», — padkreśliŭ jon.
Pra nieabchodnaść uviadzieńnia miratvorcaŭ na Danbas Kijeŭ zajaviŭ jašče ŭ 2015 hodzie. Niekalki miesiacaŭ tamu takuju mahčymaść dapuściŭ i Uładzimir Pucin. Na dniach kiraŭnik MZS Ukrainy Pavieł Klimkin zajaviŭ, što Kijeŭ uzhadniŭ z ZŠA asnoŭnyja tezisy prajekta rezalucyi pa miratvorcach na Danbasie.
Ukrainski bok raźličvaje, što jany buduć prysutničać va ŭsich rajonach u zonie kanfliktu, uklučajučy miažu, a pryncypovym momantam źjaŭlajecca vyvad rasijskich vojskaŭ da razhortvańnia misii. Akramia taho, Kijeŭ choča, kab na miratvorcaŭ uskłali bolš funkcyj, čym achova naziralnikaŭ ABSIE, i siarod ich nie pavinny prysutničać rasijskija pradstaŭniki, dadaje Tut.by.
