Namieśnikam ministra ŭnutranych spraŭ staŭ Alaksandr Barsukoŭ — ciapierašni kiraŭnik minskaj milicyi.
Aproč taho, u suviazi z rearhanizacyjaj vyzvalenyja ad pasady dva namieśniki ministra ŭnutranych spraŭ. Alaksandr Kobrusieŭ adkazvaŭ za ideałahičnuju pracu i kadravaje zabieśpiačeńnie. A Viktar Dubaviec zastaŭsia načalnikam Departamienta finansaŭ i tyłu sa zvalnieńniem, adnak zhubiŭ status namieśnika ministra.
Alaksandr Barsukoŭ naradziŭsia 29 krasavika 1965 hoda. Pracuje ŭ milicyi z 1985 hoda. Udzielničaŭ u likvidacyi nastupstvaŭ Čarnobylu, u vajennym kanflikcie ŭ Karabachu.
U 1990 hodzie skončyŭ Minskuju śpiecyjalnuju siaredniuju škołu milicyi imia Frunze. Infarmacyja pra vyšejšuju adukacyju ŭ aficyjnaj bijahrafii adsutničaje.
Pracavaŭ śledčym u Chojnikach i Vietcy, ź siaredziny 1990-ych u staličnym AMAPie.
U 1999 - 2002 na kirujučych pasadach u Centralnym RUUS Minska. Zatym kamandavaŭ pałkom patrulna-pastavoj słužby staličnaj milicyi, byŭ namieśnikam načalnika UUS Minščyny.
U sakaviku 2007 hoda zaniaŭ pasadu namieśnika načalnika ŭpraŭleńnia achovy pravaparadku MUS. U 2008 - 2011 hh. - pieršy namieśnik načalnika hałoŭnaha ŭpraŭleńnia achovy pravaparadku i prafiłaktyki MUS. Ź lutaha pa kastryčnik 2011 uznačalvaŭ Departament vykanańnia pakarańniaŭ MUS. U 2011-2017 — načalnik HUUS Minharvykankama.
Davaŭ piersanalnyja ŭkazańni na zatrymańni ŭdzielnikaŭ akcyj pratestu.
