Kiraŭnik kanfiederacyi handlaroŭ i ramieśnikaŭ Turcyi (TESK) Biendevi Pałandokien prapanavaŭ admianić sistemu «ŭsio ŭklučana» dla tureckich kurortaŭ, paviedamlaje hazieta Sözcü.
Na jaho dumku, turystyčny siektar pavinien adychodzić ad kancepcyi haściničnaha turyzmu. Pałandokien ličyć, što ź likvidacyjaj «usio ŭklučana» turysty pačnuć čaściej naviedvać słavutaści i chadzić pa kramach.
Vydańnie adznačaje, što čaściej za ŭsio pasłuhaj «usio ŭklučana» lubiać karystacca rasijskija i niamieckija turysty. U ramkach hetaj sistemy, tłumačyć Sözcü, turysty redka pakidajuć terytoryju haścinicy, bo nie chočuć prapuścić śniadanak, abied ci viačeru.
U vyniku ŭ bolšaści vypadkaŭ jany ździajśniajuć tolki dźvie pajezdki ŭnutry Turcyi — z aeraporta ŭ hatel i nazad.
Da 2023 hoda Turcyja raźličvaje ŭvajści ŭ piaciorku najlepšych u śviecie kirunkaŭ i prymać kala 50 miljonaŭ turystaŭ u hod. Adnak u ekśpiertnym asiarodku nie ŭpeŭnienyja, što heta mahčyma pry zachavańni sistemy «usio ŭklučana».