Praciahvajecca vizit Alaksandra Łukašenki ŭ Abjadnanyja Arabskija Emiraty. Jak i papiarednija hady, hetaja pajezdka spałučanaja z adpačynkam. Apošnim časam Łukašenka ŭsio čaściej addaje pieravahu mienavita Emiratam nad zvykłymi Sočy.
Jon užo adpačyvaŭ u AAE u 2014 i 2016 hadach. Pakul viadoma tolki pra adnu rabočuju sustreču kiraŭnika Biełarusi ŭ azijackaj krainie. 27 kastryčnika adbyłosia padpisańnie kredytnaha pahadnieńnia miž Bankam raźvićcia Biełarusi i Fondam raźvićcia pradprymalnictva imia Chalify.
31 kastryčnika Łukašenka naviedaŭ miemaryjał zahinułych vajaroŭ u Abu-Dabi, dzie ŭskłaŭ kvietki i ŭšanavaŭ pamierłych chvilinaj maŭčańnia.
Admietna, što ŭ toj momant, kali kiraŭnik krainy rabiŭ zapis u knizie hanarovych haściej, u kadr trapili Mikałaj i Viktar Łukašenki. Dva syny supravadžajuć baćku padčas adpačynku. Źviartaje ŭvahu, što 13-hadovy Kola ŭžo pieraros 42-hadovaha Viktara.
Siarod tych, chto jašče znachodzicca ŭ AAE — pamočnik prezidenta Mikałaj Korbut.
U haściavoj knizie zapisana pa-rusku: «Zyču siabroŭskamu emirackamu narodu miru, dabrabytu i pośpiechaŭ u spravie budaŭnictva mocnaj kvitniejučaj dziaržavy». Adnak heta nie počyrk Łukašenki, jon pastaviŭ tut tolki svoj podpis.
***