Fota Vadzima Zamiroŭskaha
Viasnoj 2018 hoda na miažy Rasii ź Biełaruśsiu mohuć być ustanoŭlenyja časovyja pamiežnyja pasty, papiaredziŭ pieršy namieśnik kiraŭnika MUS Rasii Alaksandr Haravy.
«My dastatkova žorstka budziem pracavać z maja miesiaca», — zajaviŭ Haravy ŭ chodzie pasiadžeńnia Rady Fiederacyi.
Mahčymaść źjaŭleńnia pamiežnych pastoŭ jon patłumačyŭ kłopatam rasijskich uładaŭ z nahody adkrytaści miažy, va ŭmovach kali ŭłady Biełarusi dazvolili hramadzianam 80 krain śvietu pryjazdžać u svaju krainu bieź vizy.
«Kali my nie ŭnifikujem mihracyjnaje zakanadaŭstva i nie piarojdziem na adzinuju mihracyjnuju kartu da sakavika, uradam RF papiarednie prapracavana pytańnie ab uviadzieńni časovych pahraničnych pastoŭ jak na aŭtatrasie, tak i na čyhuncy biez spynieńnia pasažyrskich ciahnikoŭ», — skazaŭ Haravy.
Pieršy namieśnik kiraŭnika MUS padkreśliŭ, što jaho viedamstva turbuje taksama vykarystańnie tranzitu praź Biełaruś ludźmi, jakich šukajuć rasijskija pravaachoŭnyja orhany ŭ suviazi z padazronymi pajezdkami ŭ Siryju.
«Jany siońnia viartajucca ŭ Kijeŭ, jeduć pa darozie, dzie taksama miaža adkryta, zatym pa Smalenskaj trasie da nas», — skazaŭ Haravy.
Dziaržpahrankamitet Biełarusi nie kamientuje vykazvańnie MUS Rasii ab pahraničnych pastach
***
Na telehram-kanał «Našaj Nivy» možna padpisacca tut.
