Sučasnaja stamatałohija daje nam ceły šerah mahčymaściaŭ: pa-pieršaje — karekcyja koleru zuboŭ pry dapamozie adbielvańnia, pa-druhoje — poŭnaje źmianieńnie koleru i formy zuboŭ pry dapamozie vinirynhu (pierakryćcia bačnaj pavierchni zuboŭ kieramičnymi abo kampazicyjnymi kanstrukcyjami).
My parazmaŭlali z dyrektaram kliniki «Intelektualnaja stamatałohija», kandydatam miedycynskich navuk, dacentam, doktaram vyšejšaj katehoryi Marynaj Cimašenka, pra toje, čamu zuby nie idealna biełyja ad pryrody, jakija isnujuć sučasnyja mietady adbielvańnia zuboŭ i jak zrabić svaju ŭśmiešku biełaśniežnaj, nie naškodziŭšy zdaroŭju.
Adbielvańnie zuboŭ — najbolš dastupnaja pracedura, jakaja stała ŭ apošni čas vielmi zapatrabavanaj.
Adnak važna ŭśviedamlać, što adbialić zuby — značyć uździejničać na žyvy orhan, sprabujučy źmianić jaho chimičnuju budovu.
Zub składajecca ź niekalkich płastoŭ tkanak. Vonkavy płast — emal — heta tkanka, pazbaŭlenaja sasudaŭ i niervaŭ, h.zn. umoŭna «miortvaja». Pad joj raźmiaščajecca «žyvy» i vielmi adčuvalny dencin. Abiedźvie tkanki składajucca z adnaho i taho ž minieralnaha kampanienta — hidraksiapatytu kalcyju. Va ŭsich ludziej na ziamli hetaje rečyva, jak kožnaja niearhanika, adnaho koleru — biełaha. Čamu ž tady zuby adroźnivajucca pa kolery nie tolki ŭ roznych ludziej, ale i ŭ rocie adnaho čałavieka? Koler zuba vyznačaje białkovaja častka dencinu i taŭščynia płastoŭ emali i dencinu. Mienavita tamu kłyki, naprykład, zaŭsiody žaŭciejšyja za razcy. Takim čynam, adbielvać pryjdziecca pieravažna dencin, prabirajučysia da jaho praz emal.
Sučasnaja stamatałohija apieruje dvuma vidami adbielvańnia: ofisnym i chatnim.
Ofisnaje adbielvańnie adbyvajecca pad kantrolem stamatołaha i z adpaviednaj abaronaj ślizistaj abałonki połaści rota, bo prymianiajucca preparaty z vysokaj kancentracyjaj (da 50%) pieraksidu vadarodu abo pieraksidu karbamidu. Akramia taho, možna ŭzmacnić i paskoryć adbielvańnie, aktyvujučy preparaty pry dapamozie fotapalimieryzatara chałodnaha śpiektru (zoom) abo łaziera.
Chatniaje adbielvańnie vyrablajecca samastojna pry dapamozie kapaŭ (standartnych abo indyvidualnych) i tych ža preparataŭ, tolki ŭ značna mienšych kancentracyjach (10-16%).
Efiektyŭnaść abiedźviuch pracedur vielmi indyvidualnaja: ad «vaŭ»-efiekta, da aśviatleńnia na adzin-dva tony. Taksama mahčymaje źjaŭleńnie paślaapieracyjnaj adčuvalnaści, jakaja potym prachodzić. Jašče adno słaboje miesca adbielvańnia — novaje adcieńnie zachoŭvajecca nie nazaŭsiody, koler pastupova ćmianieje. Pryčyna — charčovyja farbavalniki, škodnyja zvyčki i h.d.
«Ale navat razumiejučy ryzyki, jakim padviarhajucca zuby pry adbielvańni, pacyjenty našaj kliniki ŭsio čaściej chočuć vyprabavać efiektyŭnaść hetaj pracedury na sabie.
Razumiejučy nieabchodnaść abjektyŭnaha prafiesijnaha padychodu da hetaj prablemy, my raspracavali ŭłasnuju prahramu stvareńnia biełazubaje ŭśmieški, — raspaviadaje Maryna Cimašenka. — Prytrymlivajučysia hetaje prahramy, my majem mahčymaść maksimalna kiravać pracesam adbielvańnia tkanak zuba, mieć pradkazalny vynik i «abyści» słabyja miescy».
Sutnaść prahramy składajecca ŭ nastupnym.
U pieršuju čarhu, nieabchodna ačyścić usie pavierchni zuboŭ ad pihmientavanaha nalotu. Heta dazvolić acanić zychodny koler zuboŭ i spłanavać vynik, jakoha realna ŭdasca dasiahnuć. Tamu niepasredna pierad adbielvańniem śpiecyjalisty «Intelektualnaj stamatałohii» prapanujuć praviadzieńnie prafiesijnaj hihijeny z paraškastrujnaj apracoŭkaj, bo tolki hety sposab zdolny całkam ačyścić usie pavierchni zuba i zrabić emal dastupnaj dla preparataŭ, jakija adbielvajuć, pavialičvajučy ich efiektyŭnaść.
Druhi etap — niepasredna adbielvańnie ŭ stamatałahičnym kreśle. Pracedura składajecca ź izalacyi pavierchni zuboŭ, naniasieńnia preparata-adbielvalnika i aktyvacyi jaho śpiecyjalnaj krynicaj chałodnaha śviatła (dyjodnaj lampaj). Naniasieńnie i aktyvacyju paŭtarajuć da troch razoŭ padčas praviadzieńnia pracedury.
Paśla pracedury adbielvańnia moža źjavicca pavyšanaja adčuvalnaść zuboŭ. Akramia taho, pažadana zachavańnie «biełaj dyjety». Abodva hetyja faktary, na dumku śpiecyjalistaŭ, adbivajucca na jakaści žyćcia biełazubaha čałavieka. Ale tak nie maje być.
«Tamu zaklučnym etapam u padarunak dla našych pacyjentaŭ my vyrablajem indyvidualnyja kapy dla dadatkovaha chatniaha adbielvańnia i minieralizacyi zuboŭ i dajem rekamiendacyi pa samastojnym nabyćci preparataŭ dla chatniaha adbielvańnia i ŭmacavańnia zuboŭ. Pry dapamozie indyvidualnych kapaŭ vy zmožacie padtrymlivać koler svaich zuboŭ, a taksama pravodzić prafiłaktyku adčuvalnaści i karyjesu ŭ chatnich umovach, istotna zekanomiŭšy hrašovyja srodki», — raspaviadaje ab cikavaj prapanovie śpiecyjalist.
«Pa našym hłybokim pierakanańni, miedycynskija pracedury, navat nakiravanyja na kaśmietyčnyja źmieny, pavinny pryvodzić da pradkazalnaha vyniku. Tamu my budziem radyja prapanavać našym pacyjentam pradumany kompleks pracedur, što adpaviadaje hałoŭnamu pryncypu miedycyny: «Nie naškodź!»», — zapeŭnivaje Maryna Cimašenka.
TAA «Intelektualnaja stamatałohija»
UNP 192253037
