Da 8 kastryčnika prachodzić pryjom zajavak na mižnarodny konkurs dla sacyjalnych pradprymalnikaŭ SAP UP. Pieramožcy atrymajuć siertyfikaty na adukacyjnyja pajezdki ŭ Jeŭropu i hran-pry ŭ 10 000 rubloŭ. Aceńvać budzie sacyjalnaja značnaść, biznes-patencyjał i ŭstojlivaje raźvićcio.
Arhanizatary zaprašajuć ludziej, jakija harać žadańniem zapuścić sacyjalny prajekt albo ŭžo realizujuć jaho. Vitajucca nastupnyja kirunki: ekałohija, novyja technałohii, raźvićcio terytoryj, zabieśpiačeńnie roŭnych mahčymaściaŭ, kultura, adukacyja, miedycyna i achova zdaroŭja, zdarovy ład žyćcia i sport.
Biełaruś upieršyniu ŭdzielničaje ŭ konkursie SAP UP, dziakujučy partniorstvu z płatformaj «Tałaka». U žury — ekśpierty ź mižnarodnych kampanij, dziaržaŭnyja struktury, niekamiercyjnyja i kansałtynhavyja arhanizacyi. Asablivaść konkursu — prazrystaja sistema adboru: usia infarmacyja pa prajektach i acenkach budzie dastupnaja ŭ vobłaku.
Za dva hady SAP UP padtrymaŭ 16 sacyjalnych pradpryjemstvaŭ Kazachstana i Rasii. U ich liku kamandy uSEEband z pryładaj, jakaja pieravodzić movu žestaŭ u tekst i palahčaje žyćcio hłuchaniamych ludziej. Prahrama raźvićcia husiehadoŭli, jakaja pierarasła ŭ eka-fiermu «Bylije travnoje» i zaraz zajmajecca raźviadzieńniem husiej, kačak i indyčak. Inicyjatyva pa pracaŭładkavańni kazachskich asudžanych mužčyn i arhanizacyja imi vytvorčaści draŭlanych vyrabaŭ u nacyjanalnym styli. A taksama dabračynnaja krama «Dabračynny mahazin», dziciačy sad dla asablivych dziaciej «Soniečnaje koła», pryvatny pansijanat dla pažyłych «Chata la parku», sietka dvarovych spartyŭnych kłubaŭ SportConcept.
Finał konkursu ŭ Biełarusi i publičnaja prezientacyja prajektaŭ projdzie ŭ Minsku ŭ kancy listapada. Zajaŭki na ŭdzieł prymajucca da 8 kastryčnika na sajcie sap-up.org.
Pa pytańniach udziełu śmieła pišycie na [email protected] i telefanujcie +375 29 8 777 900.
