Imia dziaŭčyny, jakuju znajšli kala DS «Družnaja» kala vakzała ŭ Minsku, ustanoŭlena. Heta žycharka Minskaha rajona 1987 hoda naradžeńnia.
Praviedzienaja pracedura apaznańnia svajakami, paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
Cieła dziaŭčyny znajšli 25 žniŭnia. Doŭhi čas nie było mahčymaści ŭstanavić asobu. Na miescy zdareńnia nie było znojdziena ni mabilnaha telefona, ni dakumientaŭ. Paraŭnańnie ŭzoraŭ adbitkaŭ palcaŭ ruk pa daktyłaskapičnych ulikach vyniku nie dało.
Śmierć nie nasiła kryminalnaha charaktaru. «Pavodle atrymanych ad ekśpiertaŭ upraŭleńnia Dziaržaŭnaha kamiteta sudovych ekśpiertyz pa Minsku źviestak, śmierć nastupiła ad pieraachaładžeńnia», — paviedamiła ŭčora Julija Hančarova.
«Žančyna dastatkova maładaja, pa ŭsich prykmietach nie viała asacyjalnaha ładu žyćcia», — adznačyła ŭčora aficyjny pradstaŭnik SK.
