Voziera Bajkał ŭ jaho ciapierašnim vyhladzie moža źniknuć z tvaru ziamli, a na jaho miescy źjavicca novy akijan, jaki raskole Jeŭraziju, ličać rasijskija navukoŭcy. Artykuł apublikavany ŭ aficyjnym vydańni sibirskaha adździaleńnia Rasijskaj akademii navuk «Nauka v Sibiri».
Adznačajecca, što ŭ ciapierašni čas u ziamnoj kary, prosta pasiaredzinie Jeŭrazii, znachodzicca vielizarny raskoł — Bajkalskaja ryftavaja zona. Jon zaradziŭsia ŭ kajnazojskuju eru, niekalki dziasiatkaŭ miljonaŭ hadoŭ tamu.
Davoli doŭhi čas (da pačatku druhoj pałovy nieahienu) ryft raźvivaŭsia dosyć spakojna. Miascovaść akružali nievysokija hory, a zapadziny byli niehłybokija. Kala piaci-siami miljonaŭ hadoŭ tamu tektaničnyja pracesy raptam rezka ŭzmacnilisia, hory stali chutka raści, a zapadziny — «pravalvacca» ź vialikaj chutkaściu. U vyniku sfarmiravaŭsia reljef alpijskaha typu. Ciapier hetyja pracesy ŭ rajonie voziera praciahvajucca: hory rastuć na piać-šeść milimietraŭ u hod, a zapadziny pahłyblajucca na try-čatyry milimietry.
Kali hieadynamičnaje stanovišča nie źmienicca, to prykładna praz 20 miljonaŭ hadoŭ Jeŭraziju čakaje raskoł. Pry hetym na miescy voziera Bajkał źjavicca novy akijan.
