Składanka ź piesień udzielnikaŭ konkursu i chedłajneraŭ letašniaha festu ŭ Haradku. Dla tych cikaŭnych, chto choča pasłuchać «muzyku maładoj Biełarusi» ŭ studyjnym varyjancie.
Ułasna adkryćciaŭ tut dla abaznanaha słuchača niašmat. Z maładych vyłučajecca Weeping Twilight z nadzvyčaj zapaminalnaj baladaj «a‑la Vopli Vidaplasava». Pieśnia «Hrech» mahła b pajści ŭ narod, ale hurt paśla «Basovišča—XVIII» nidzie bolš nie pakazaŭsia. Cikava, ale syravata słuchajecca Indra, što pakłali na muzyku piakučy vierš Lery Som, jaki pačynajecca sa słovaŭ «Kali žančyna raźnimaje nohi…».
Dysk admietny i niekalkimi rarytetami — biełastockaja biełaruskamoŭnaja kamanda Rima pradstaŭlaje trek «Kalevała» (u Biełarusi ichnyja pieśni vydavalisia apošni raz z hadoŭ siem tamu), «Krambambula» — svajo bačańnie hita hurtu «Y.Y.Y» «Ŭsio narmalna, mama», a «Pałac» — zusim śviežuju svaju pieśniu «Chaj miesiac».
Dziakujučy takoj muzyčnaj raznastajnaści kožny słuchač znojdzie tut, jak minimum, dźvie—try «svaje» pieśni.
