Interviju Saakašvili tranślavałasia viečaram u prajm‑tajm u niadzielu 7 vieraśnia.
«Rasiejcy chacieli bambić Tbilisi, adnak admovilisia ad hetaj zadumy, bo tam (u stalicy Hruzii) znachodziŭsia prezydent Lech Kačynski razam z prezydentami dziaržaŭ Centralnaj i Uschodniaj Eŭropy».
M. Caakašvili padziakavaŭ Kačynskamu i ministru zamiežnych spraŭ Polščy Radasłavu Sikorskamu za «anhažavanaść u hruzinskija spravy ŭ samy składany momant».
***
Na terytoryi Paŭdniovaj Asiecii, kala horadu Karaleci patrul rasiejskich vajskoŭcaŭ i asiecinskich milicyjantaŭ zatrymaŭ hrupu žurnalistaŭ Polskaha telebačańnia (TVP), paviedamlaje polski partał Puls Biznesu. U žurnalistaŭ kanfiskavali ŭsiu aparaturu, što znachodziłasia ŭ ichnym aŭto, u tym liku kamery i mabilnyja telefony. Zatrymanych advieźli ŭ nieviadomym nakirunku i na dadzieny momant ich miescaznachodžańnie nieviadomaje.
Pa roznych źviestkach, ciaham vajskovaha kanfliktu pamiž Rasiejaj i Hruzijaj byli zabityja try žurnalisty i dvanaccać paranienyja. 14 žniŭnia rasiejski vajskoviec abstralaŭ žurnalista ŭ Poci, a 15 žniŭnia ŭ Cchinvali pad abstreł patrapili tureckija žurnalisty, adzin byŭ paranieny ŭ hałavu.
