8 vieraśnia našy kalehi va ŭsim śviecie adznačajuć Dzień mižnarodnaj salidarnaści žurnalistaŭ. Hetuju datu zasnavała ŭ 1958 hodzie Mižnarodnaja arhanizacyja žurnalistaŭ u pamiać ab svaim češskim kalehu Juliusie Fučyku, zakatavanym hitleraŭcami 8 vieraśnia 1943 hoda. Kožny hod žurnalisckaja supolnaść usiaho śvietu ŭzhadvaje jaho nieŭmiručyja słovy pieraściarohi: «Ludzi, budźcie pilnyja!».
U Biełarusi ŭ hety dzień tradycyjna ŭzhadvajuć imia Dźmitryja Zavadskaha, trahičny los jakoha taksama zaklikaje nas da pilnaści i salidarnaści. Tradycyjna HA «BAŽ» prymiarkoŭvaje da hetaj daty ŭručeńnie dypłomaŭ imia Zavadskaha «Za mužnaść i prafiesijanalizm».
Sioleta napiaredadni 8 vieraśnia praŭleńnie arhanizacyi vyznačyła sioletnich łaŭreataŭ: imi stali fotakarespandent NN Andrej Lankievič, radyjožurnalist Hienadź Kieśnier i fatohraf Juryj Dziadzinkin.
Płanujecca, što ŭručeńnie dypłomaŭ adbudziecca ŭ kancy vieraśnia.
Redakcyja NN ščyra ciešycca za Andreja.