president.gov.by
Valeryj Kaleśnik pryznačany siońnia, 14 vieraśnia, nadzvyčajnym i paŭnamocnym pasłom u Indaniezii i pa sumiaščalnictvie ŭ Małajzii, Sinhapury i Filipinach, paviedamlaje pres-słužbła kiraŭnika krainy.
Pryznačajučy pasła Łukašenka adznačyŭ: «Indaniezija — vielmi pierśpiektyŭny rehijon, dzie da nas dobra staviacca. U płanie kantrolu ja hatovy pabyvać tam. Chaciełasia b, kab vy ź ministram nie vyhladali tam blakła i nie spasyłalisia, što niejkija inšyja ministry va ŭradzie nie vykanali damoŭlenaści prezidenta, jakija kantralujucca Ministerstvam zamiežnych spraŭ. u kožnaha jość svaje zadačy - i ŭ ministra, i ŭ pasła. Treba dziejničać. Viarniciesia da našych damoŭlenaściaŭ, da novych napracovak pa hetych krainach. Tym bolš vy pradstaŭlajecie na ŭsim Dalokim Uschodzie: i ŭ Indaniezii, i ŭ Sinhapury, i ŭ Małajzii, i na Filipinach».
Kiraŭnik dziaržavy nahadaŭ, što ŭ čas jaho vizitu ŭ Indanieziju i Sinhapur ŭ 2013 hodzie baki vyznačyli šerah napramkaŭ supracoŭnictva. «U mianie takoje ŭražańnie, što ŭsie, mabyć, tak i zastałosia.
I ministr ni razu mianie nie prainfarmavaŭ, što ŭ nas jość niejkija prablemy z vykanańniem tych damoŭlenaściej, - zaŭvažyŭ jon.
— Kali vy «pachavali» damoŭlenaści na ŭzroŭni prezidenta, ja ŭjaŭlaju, što z damoŭlenaściami na ŭzroŭni premjer-ministra, ministraŭ. Nijakich turystyčnych pajezdak, hałoŭnaja naša zadača - kankretnyja damoŭlenaści. Jany pavinny realizoŭvacca. Asabliva ŭ takich bujnych dziaržavach, jak Rasieja, Kitaj, Pakistan, Indyja i ŭ tym liku Indaniezija. vielizarnaja kraina, jaki maje patrebu va ŭsim. Toje, što my prapanujem, im vielmi nieabchodna».
