AFP
Amierykanskaja śpiavačka Łedzi Haha paviedamiła, što ŭ jaje chraničnaja fibramijałhija. Pacyjenty ź fibramijałhijaj pakutujuć ad chraničnaha, jak praviła simietryčnaha bolu va ŭsim ciele. Chvaroba vyvučana nie da kanca, što ŭskładniaje lačeńnie.
Śpiavačka paviedamiła pra heta ŭ tvitary. Tam ža jana skazała, što raspaviadaje pra svajo žyćcio z hetaj chvarobaj u svaim apošnim dakumientalnym filmie.
«Ja chaču akazać dapamohu ŭ pavyšeńni abaznanaści i abjadnać ludziej, u jakich jana jość. My ŭsio možam padzialicca historyjami pra toje, što dapamahaje, a ad čaho stanovicca baluča», — napisała Łedzi Haha.
Łedzi Haha kazała pra toje, što žyvie z chraničnym bolem jašče z 2013 hoda, ale tolki ciapier raskryli pryčyny.
31-hadovaja śpiavačka vystupiła na Taronckim kinafiestyvali, dzie pakazvajuć jaje dakumientalny film «Haha: piać futaŭ i dźvie cali».
Film užo vyjšaŭ na ekrany ŭ ZŠA i nieŭzabavie budzie pakazany i ŭ inšych krainach.
Što takoje fibramijałhija
U ludziej, jakija pakutujuć ad fibramijałhii, byvaje mnostva simptomaŭ — jany časta pakutujuć ad drennaha snu, ryhidnaści ciahlic, sindromu pavyšanaj stomlenaści, straty pamiaci, a taksama parušeńniaŭ kancentracyi ŭvahi.
Na fibramijałhiju pakutujuć prykładna 4% nasielnictva. Siarod ludziej z hetym dyjahnazam u siem razoŭ bolš žančyn, čym mužčyn.
Pryčyny fibramijałhii na dadzieny momant navucy nieviadomyja. U vyniku daktary nie viedajuć, jak mienavita lačyć hetuju chvarobu, i skiroŭvajuć vysiłki na padaŭleńnie simptomaŭ — boli, depresii i rasstrojstvaŭ snu.
Isnuje zdahadka, što ŭ šmatlikich vypadkach fibramijałhija źjaŭlajecca paśla fizičnaha abo emacyjnaha stresu.
